❤ آداب محبت ❤
کچھ سرابوں پہ وار دی ہم نے
زندگی یوں گزار دی ہم نے
آئینہ دیکھ کر یوں گھبرائے
اپنی صورت اتار دی ہم نے
راستوں نے تو منزلیں دی ہمیں
ان کو گرد و غبار دی ہم نے
سالِ فردا سے گفتگو جب کی
بس نویدِ بہار دی ہم نے
مانتا ہی نہیں جہاں ہم کو
گو دلیلیں ہزار دی ہم نے
اک نئی روح پھونک دی رب نے
کبھی ہمت جو ہار دی ہم نے
تہہ میں رکھی امید ہی ابرک
جب غزل سوگوار دی ہم نے
۔۔۔۔۔۔۔۔۔۔۔۔۔۔۔۔۔ اتباف ابرک
No comments:
Post a Comment
If you have any doubt, please let me know